Trajneri i Barcelonës, Xavi Hernandez, foli për mediat pas fitores 2-1 të skuadrës së tij ndaj Real Madridit në Camp Nou. Pikëpamja e Xavi ishte krejt ndryshe nga ajo e Ancelottit. Ky i fundit e ndjeu se ekipi i tij e meritonte fitoren, ndërsa katalanasi ishte i bindur se skuadra e tij dominonte lojën.
“Është jashtë loje e qartë. Jam i habitur që Ancelotti tha atë që tha, sepse nuk ka debat”
“Ne ishim më të mirë se Madridi. Ne i dominuam ata dhe luajtëm lojën ashtu siç donim.”
“Goli i Asensio është një offside i qartë. Jam i habitur nga ajo që tha Carlo. Nuk ka fare diskutim.”
“Ska mbaruar asgjë, sepse kanë mbetur edhe 12 ndeshje. Është një fitore shumë e rëndësishme në një El Clasico, është e merituar, kemi qenë më të mirë, dominues, duke gjeneruar shanse më të qarta… Jam shumë i kënaqur, skuadra është zbrazur. Është një fitore shumë e rëndësishme për ne, na jep moral dhe besim. Kemi qenë shumë mirë.
“Nuk ndihemi kampionë. Është një hap përpara dhe jam shumë i lumtur për lojtarët. Ka një atmosferë të jashtëzakonshme. Ne kemi një ligë të jashtëzakonshme. Lojtarët tanë vuajnë dhe unë jam shumë krenar për mënyrën sesi luajnë, si po ecën jeta për ta… duhet t’i vlerësoni”.
“Ne kemi pasur më shumë shanse dhe më shumë kontroll. Nuk i minimizuam pasimet qendrore. Goli i anuluar erdhi nga gabimi ynë, por në përgjithësi kemi qenë më të mirë se Real Madridi.
“Mendoj se një nga çelësat ka qenë që ne kemi minimizuar humbjet në posedim. Ne nuk dhuruam tranzicione. Ne kemi qenë të përgjegjshëm, kemi dominuar në shumë faza. Real Madridi është i fuqishëm. Në pjesën e dytë kemi vuajtur. Por ne duhet të jemi shumë të kënaqur që Barcelona është fituese, ne kemi qenë më të mirë. Ditën tjetër na dominuan, sot ne i dominuam ata”.
