El Clasico e la shumë të prekur Carlo Ancelottin. Ekipi performoi dobët ne aspektin taktik dhe italiani mori vendime shumë të vështira për t’u kuptuar.
Pasi që u dëmtua Karim Benzema, Carlo Ancelotti zgjodhi të luante me Luka Modric si 9-she false. Ky vendim i befasoi të gjithë, pasi kroati dhe Toni Kroos ishin përgjegjës për presionin.
Real Madrid për momentin nuk e ka ndërmend të shkarkojë Carlo Ancelottin dhe këtë e ka konfirmuar edhe Cadena SER, ai pritet të përfundoj kontraten e tij 2 vjeçare.
Nëse kjo ndodh, Carlo Ancelotti mund të jetë në krye të projektit të ri të Real Madridit për sezonin e ardhshëm. Siç e dimë, pritet që këtë vit të ketë shumë nënshkrime në klub.
Ndër emrat që konsiderohen janë ata të Mbappé dhe Haaland. Nëse kjo ndodh, Ancelotti mund të jetë i rëndësishëm, pasi ai ka shumë përvojë si trajner dhe ka pasur shumë ‘yje’ gjatë karrierës së tij. Ndeshja e Champions League kundër Chelseat mund të jetë çelësi për të përcaktuar të ardhmen e trajnerit italian.
