Real Madrid është kthyer në nivelin që i takon, duke luajtur një ndeshje të mirë në Kiev dhe duke shkëlqyer në pjesën e dytë ndaj Shakhtar, me lojtarë që spikatën, si Vinicius e Rodrygo. Ja vlerësimet për lojtarët e Los Blancos sipas Marca:
COURTOIS
Pak punë për portierin belg, që i zgjidhi mirë gjithë situatat. Në rastin më të rrezikshëm të Shakhtar kreu dy pritje rresht, të shkëlqyera, dhe ruajti qetësinë e Realit, në mesin e ndeshjes.
LUCAS VÁZQUEZ
Përsëri titullar si mbrojtës i djathtë, provoi disa zbritje në sulm, por shokët e ekipit nuk e kërkuan shumë. Në disa momente të ndeshjes pati vështirësi, e ndihmoi Rodrygo në mbrojtje.
MILITAO
Shmangu rreziqet dhe në disa momente doli në sulm. I shkathët për të kuptuar vertikalizimet e Shakhtar, konfirmoi pozicionin e vet si titullar i paprekshëm.
ALABA
Ndeshje shumë e mirë, në një ndeshje ku dukej sikur nuk bëri asgjë. Shakhtar krijoi pak rreziqe, por Alaba e mbajti mbrojtjen të rrrshtuar saktë.
MENDY
U shfaq në shumë zona të fushës, shmangu një gol me një spastrim të shkëlqyer në zonë. Duket sikur e ka harruar dëmtimin, lajm i mirë për Ancelottin. Në mbrojtje është rikthyer shkëmbi.
CASEMIRO
Ndeshje e mirë, kur luan me Kroos e Modric krah tij jep maksimumin dhe merr më shumë përgjegjësi në mesfushë, por ndihmon edhe sulmin.
KROOS
Po gjen ritmin dhe po bëhet gjithnjë e më i rëndësishëm. Provoi të gjuante në disa raste. Më mirë se në ndeshjen kundër Espnyol.
MODRIC
I dha një pasim Viniciusit për golin e 2-0, si në lojërat kompjuterike. Luajti afër zonës së Shakhtar, u përpoq t’i jepte Realit superioritet në ndeshje.
RODRYGO
Paraqitje shumë e mirë. Luajti në të djathtë, rrezik konstant, shënoi edhe një gol. Me rendimentin e tij “ha” lojtarë si Hazard, Asensio apo kushdo që pretendon t’i marrë vendin. Në El Clasico padyshim titullar.
VINICIUS
Gol spektakolar pas një depërtimi ku kaloi çdo lojtar në zonë. Perfekt edhe në mbylljen e aksionit për 2-0, me pasimin spektakloar të Modric. Nuk ndjen aspak presion.
BENZEMA
Barazoi të madhin Santillana, duke shënuar në shtesë. Një tjetër ndeshje e mirë, ishte gjithnjë i përfshirë në aksionet dhe golat e Realit.
ANCELOTTI
Fillimisht Reali nuk dukej ndryshe nga ndeshjet e shkuara, por goli i parë ndryshoi ndeshjen dhe që atu Reali lëvizi më mirë, dominoi dhe fitoi me goleadë. Ancelotti mbërrin i qetë në Clasico.
