Zinedine Zidane ka folur për herë të parë se si do të jetë skuadra e tij në sezonin e ardhshëm. Trajneri Madrilen dha një intervistë për International Cup, një kompeticion i rregullt që Madrilenët marrin pjesë gjatë parasezonit veror.
”Eshtë një sezon i ri, një kampanjë e rëndësishme në të cilën kemi iluzionin e rikthimit për të luftuar dhe fituar.”, thotë Francezi i cili thotë se nuk ka pushime për ta, pasi janë duke punuar që sezoni i ardhshëm të shkojë mirë.
Pas prezantimeve të Hazard, Jovic, Mendy dhe Rodrygo, trajneri Francez nuk fsheh emocionet e tij: ‘‘Nuk shkaktohen vetëm tek tifozët emocione nga transferimet. Unë gjithashtu jam i emocionuar. Eshtë shumë interesante për ne. Plani ynë ështëtë blejmë lojtarë të cilët mund të jenë gati nga fillimi për të punuar me ne. Gjëja më e rëndësishme është se ata do të jenë me ne që nga dita e parë e parasezonit. Kanë luajtur me kombëtaret e tyre por do të kenë pushim gati një muaj.”
Zidane gjithashtu se do të përdorë parasezonin për të diskutuar se si të bëjë ndryshimet mes lojtarëve gjatë sezonit të ardhshëm.
Sa i përket përballjeve me Bayernin, Arsenalin dhe Atleticon në International Cup, Zidane u pyet vetëm për Simeonen për të cilin tha: ”Kam respekt të madh për të, si për të gjithë trajnerët. Ai po bën një pune të madhe për një kohë të gjatë. Eshtë një trajner i madh i një ekipi të shkëlqyeshëm.”
