Merkatoja e Real Madridit ka tërhequr shumë vëmendje kohëve të fundit: Eden Hazard (praktikisht është lojtar i Real Madridit për sezonin e ardhshëm), Paul Pogba (dëshira e madhe e Zidane), Ferland Mendy (konkurenti ideal për Marcelon), Luka Jovic (lojtari ideal për të ndihmuar Benzeman në pjesën e shënimit të golave)…
Por para se të blesh, duhet të shesësh. Në Madrid ka shumë lojtarë që mund të largohen këtë vrë, lista arrin deri në 14 të tillë. E përditshmja Marca ka bërë një listë ku bëjnë pjesë 39 lojtarët në pronësi të Real Madridit sezonin e ardhshëm dhe ka paraqitur listën e atyre që do rrinë, atyre që janë në dyshim nga klubi dhe atyre që do largohen.
Portierët: Keylor Navas është e sigurt që do të largohet. Tre portierët për sezonin e ardhshëm do jenë Thibaut Courtois, Andryi Lunin dhe Luca Zidane.
Mbrojtësit: Nga ekipi aktual do qëndrojnë Sergio Ramos, Raphael Varane, Nacho Fernandez, Daniel Carvajal, Alvaro Odriozola & Marcelo. Me shumë mundësi do të largohen (huazohen ose shiten) Jesus Vallejo dhe Sergio Reguilon. Sezonin e ardhshëm rikthehet nga huazimi Theo Hernandez, por as ai nuk do të mbahet më në ekip. Pritet të zyrtarizohet transferimi i Ferland Mendy (mbrojtës i majtë) nga Lyon.
Mesfushorët: Nga ekipi aktual do qëndrojnë Federico Valverde, Toni Kroos, Luka Modric, Marco Asensio & Casemiro. Për Isco dhe për Brahim Diaz akoma nuk është vendosur. Me shumë mundësi do largohen Daniel Ceballos dhe Marcos Llorente. Sezonin e ardhshëm rikthehen nga huazimi James Rodriguez, Martin Odegaard, Mateo Kovacic dhe Oscar Rodriguez, por asnjëri nuk ka vend në ekip për sezonin e ardhshëm dhe do largohen. Pritet të zyrtarizohet transferimi i njërit prej Pogba, Ekrisen apo Van de Beek.
Sulmuesit: Nga ekipi aktual do qëndrojnë Vinicius Junior dhe Karim Benzema. Rodrygo Goes sezonin e ardhshëm bëhet lojtar i Real Madridit dhe do zhvillojë parasezonin me skuadrën, pastaj do vendosë Zidane. Për Lucas Vasquez dhe Mariano Diaz akoma nuk është vendosur. Me shumë mundësi do largohet Gareth Bale. Sezonin e ardhshëm rikthehen nga huazimi Borja Mayoral dhe Raul de Tomas, por asnjëri nuk ka vend në ekip dhe do largohen. Pritet zyrtarizimi i Eden Hazard dhe Luka Jovic.
