Exequiel Palacios do të jetë nënshkrimi i parë i Real Madridit në merkaton dimërore me një marrëveshje tashmë të kryer me River Platen dhe me mesfushorin, dhe marrëveshja do të zyrtarizohet pas finales së Copa Libertadores.
Nënshkrimi është ende në pritje, por Palacios do nënshkruajë kontratën deri më 30 qershor të vitit 2024, dhe lëvizja do t’a vazhdojë strategjinë e klubit duke sjellur talenta të rinjë pasi hierarkia e klubit beson se kjo është mënyra e vetme për të konkurruar me klubet e pasura si PSG dhe Manchester City, raporton MARCA.
20 vjeçari po luan me klubin argjentinas prej moshës 17 vjeçare por ai ende nuk i ka bërë 50 paraqitje me ta. Argjentinasi ka bërë debutimin me kombëtaren e tij dhe është një lojtar kyç për River Platen.
Klubi beson se Palacios është mjaftueshëm i pjekur dhe gati për një lëvizje që do kushtonte pak më shumë se 20 milionë euro. Riveri u mundua që të shtyente shitjen e tij sa më shumë që të ishte e mundur por nga Madridi nuk dëshirojnë të presin më gjatë pasi që besojnë se ai mund të ofrojë shumë kualitet në mesfushë në gjysmën e dytë të sezonit.