Santiago Solari u shfaq përpara mediave pas triumfit ndaj Celta Vigos në Balaidos. Tekniku vlerësoi pozitivisht lojën e lojtarëve të tij dhe kritikoi në mënyrë të veçantë stilin e ashpër të lojës që aplikoi Celta. Solari sidoqoftë nuk dëshiroi të futet në temën nëse duhet të vazhdoje në stolin Madrilen.
Shumë dëmtime: ”Shumë presonalitet nga ekipi ndaj fatkeqësive, Celta luajti shumë ashpër. Casemiros iu desht të tërhiqej ndërsa Gareth bëri një sforco të jashtëzakonshme. Goditja që mori ishte e rëndë dhe ai e duroi. Bëri mirë sepse në të kundërtën do të duhej të bënim një tjetër zëvendësim dhe problemi ishte Nacho. Celta na goditi, luajti ashpër, në limitet e rregullores dhe ne vuajtëm.
Çfarë testikujsh i ka prekur ekipit: ”Nuk ka testikuj, do të doja të ishin si organet ku do i prekja dhe gjithçka do të funksiononte. Janë lojtarët që kanë meritat e plota, ishte e vështirë t’i bashkonim pas gjithë atyre situatave.”
Vazhdimësia e tij: ”E rëndësishme është të bëjmë atë që është e nevojshme për të mirën e ekipit, gjithçka tjetër është e parëndësishme.”
Lojtarët duan vazhdimin e tij: ”E përsëris, e rëndësishme është të bëjmë atë që është e nevojshme për të mirën e ekipit dhe Real Madridit.”
Planet për pauzën e kombëtareve: ”Planet janë gjithmonë të vogla. Nesër kemi ditë të lirë.”
Ndeshja e Benzemas: ”Të gjithë kanë dëshmuar një personalitet të lartë, edhe Benzema kuptohet. Goli i parë ishte spektakolar, i krijuar nga Karim, ndërsa i dyti e bëri vet ai, me lojën, hapsirën, ndihmën në mbrojtje.. Bëri një ndeshje të kompletuar.”
A i është larguar tiketa provizionale: ”Klubi duhet të bëje atë që është e nevojshme dhe atë që beson se është më e mira për Real Madridin, gjithçka tjetër është e parëndësishme.”
Ekuilibri i ndeshjes: ”Një ekip solidar, në sulm, në mbrojtje, ishim agresiv në sulm sepse në të kundërtën nuk mund të shënonim katër gola. Personalitet, karakter, ishte një ndeshje e rëndë ndaj një rivali që luajti në limitet e tij. Do të shohim se çfarë do të ndodhë me Reguilon, shpresojmë që të mos jetë ndonjë thyerje. Nacho ka probleme me gjurin. Bale luajti gjithë pjesës së dytë me kyçin e këmbës të ndrydhur dhe tregoi shumë personalitet, diçka që duhet t’a dëshmosh kur luan në Real Madrid. Apo Lucas, që luajti si anësor në minutat e fundit.”
Vula e Solarit: ”Ne kemi bërë një ndeshje shumë të mirë duke bërë presion lartë në fushë dhe duke krijuar rrezik të mjaftueshëm. Gareth bëri një ndeshje të madhe, u sforcua shumë dhe jam tepër i kënaqur me të në veçanti. Të gjithë trajnerët duam që gjërat të dalin mirë, e rëndësishme është të shohësh personalitetin e ekipit, që e kemi parë sot.”
Mungesa e Iscos: ”Është fantastik, lojtar skuadre dhe llogarisim tek ai njëjtë si tek të tjerët. Pastaj nuk mund të bëjmë asnjë ndryshim për një vendim taktik, të gjithë ishin zëvendësime të detyruara.”
La Liga me shumë rivalitet: ”Meritë e lojtarëve që kanë bërë mirë shumë gjëra.”