Real Madridi është i interesuar për shërbimet e qendër mbrojtësit Mario Hemosos, të cilin synon ta transferojë në radhet e veta që në merkaton e janarit.
Los Blancos do të duhet të paguajnë 7.5 milionë euro nëse deshirojnë që transferimi në fjalë të realizohet me sukses.
Një nga faktoret që ka detyruar Real Madridin të hidhet në sulm për Hermoson është forma e dobët e Jesus Vallejos.
Ndonëse Espanyoli nuk dëshiron ta shesë Hermoson pasi që e konsideron si një lojtar kyç, pronari i klubit, Chen Yansheng, ka nevojë për para për të balancuar llogaritë e tij.
Ka klube të tjera që ndjekin nga afër progresin spektakolar të qendër mbrojtësit, përfshirë edhe Arsenalin. Ai është një lojtar që Unai Emery i pëlqen dhe që e ka parë në më shumë se një rast.
Hermoso është ‘produkt’ i La Fabricas dhe ka si idol Sergio Ramos-in.
Ai iu bashkua Espanyolit në verën e vitit 2017 nga Castilla.
