Legjenda e Interit, Javier Zanetti ka deklaruar se nuk janë të informuar për interesimin që ka shfaqur Real Madridi për sulmuesin e tyre, Mauro Icardi.
“Icardi është kapiteni ynë dhe pika jonë e referencës. Ai është i lumtur në Inter. Ne jemi të vetëdijshëm që Interi është një klub që nuk ka nevojë të shesë lojtarë dhe që vazhdon të respektojë Fair Playin Financiar”, ka bërë të ditur 45 vjeçari.
Këto komente të Zanettit vijnë pas raportimeve të fundit se Real Madridi ka shfaqur interesim për ta transferuar në rradhet e veta Icardin, i cili siç thuhet ka refuzuar sëfundmi rinovimin e kontratës me Nerazzuret.
Mes tjerash, argjentinasi foli edhe për transferimin e Cristiano Ronaldos në Juventus.
Një transferim i këtillë sipas Zanettit i ka bërë mirë gjithë futbollit italian.
“Ai e ka rritur konkurrencën në maksimum, sepse poashtu kërkohet me shumë kualitet nga ata që përballen me të”, ka pohuar Zanetti.
