Një transferim i Cristianos Ronaldos te Juventusi do të shkundë futbollin evropian, me pesë herë fituesin e Topit të Artë i cili potencialisht do të fillojë efektin e dominos në tregun e transferimeve njofton Marca.
Juventusi po planifikon ta përforcojë vetën edhe me shumë me transferimin e Cristiano Ronaldos. Në Itali flitet për daljen e mundshme të Gonzalo Higuain nga Zonja e Vjetër në mënyrë që këta të fundit ta financojnë ardhjen e Ronaldos.
E ardhmja e argjentinasit duket të jetë në Londër, pasi Chelsea ka rënë dakord për një marrëveshje me vlerë 60 milionë euro, sipas Mediaset.
Arritja e Higuain në Chelsea do të çojë në largimin e Alvaro Moratas nga klubi londinez. Spanjolli thuhet se do të transferohet në Gjermani më saktësisht në Bayern Munich.
Nëse transferimi i Ronaldos në Juventus bëhet zyrtar, Real Madridi me siguri do të ketë nevojë për një Galaktik për të qetësuar tifozët dhe për të qëndruar në nivelin e elitës.
Neymar, Kylian Mbappe dhe Harry Kane janë treshja që vazhdon të jetë e lidhur me kalimin te Real Madridi, edhe pse do të jetë jashtëzakonisht e vështirë të përsëriten golat, performancat dhe udhëheqja e Ronaldos në fushë.
