Robert Lewandowski insiston në largimin nga Bayern Munich në verën e ardhshme.
Sipas raporteve nga mediat spanjolle saktësisht nga e përditshmja Madrilene ‘AS’, sulmuesi Polak mund të jetë më afër se kurrë për t’u transferuar në klubin e ëndërrave të tij, në Real Madrid.
Bayerni do të luajë pas dy javësh në Bernabeu në ndeshjen kthyese në gjysmëfinale të Champions League dhe agjenti i tij i ri, Pini Zahavi, do të shfrytëzojë këtë rast të arrijë një marrëveshje verbale me drejtuesit e klubit Madrilen.
Gjithashtu sipas raporteve, Zahavi iu ka treguar tashmë drejtuesëve të klubit Bavarez se klienti e tij e dëshiron largimin nga Gjermania dhe transferimin tek kampioni aktual Europian.
