Gareth Bale nuk po kalon në më të mirën e tij në Real Madrid dhe sipas të gjitha gjasave dhe burimeve të afërta me klubin, Uellsiani pritet të largohet gjatë merkatos verore.
Ndërsa mediat në Angli sigurojnë se Zidane nuk është duke u brengosur për largimin e tij pasi tashmë ka gjetur te Chelsea zëvëndësimin e tij.
Sipas mediumit anglez ‘Metro’, Zidane ka vendosur si prioritet kryesor nënshkrimin me Eden Hazard dhe më në fund do të ndërmarrë hapat konkret për transferimin e tij në Spanjë, duke e ditur edhe formën e ekipit Londinez që mund të jetë një faktor kryesor dhe pozitën e tyre në tabelë e cila nuk i garanton atyre një vend në Champions League.
Rikujtojmë që emri i Belgut ka qenë shumë i lidhur me një transferim në Madrid dhe sidomos që nga koha kur Zidane mori drejtimin e ekipit në vitin 2016.
