Isco nuk ka mundur të përmbahet kur ka dëgjuar disa fjalë të gazetarit Juanma Castano i cili e quajti ‘skandaloze kualifikimin’ e ekipit në gjysmëfinale.
Castano pas ndeshjes Real Madrid 1-3 Juventus, e kishte quajtur një skandal historik ndërsa më herët ndeshjen e Barcelonës ndaj PSG-së e kishte quajtur një ndeshje historike.
”Një profesion, dy standarde të ndryshme, i turpshëm”, është shkrimi që Isco e ka bërë në profilin e tij zyrtar në Twitter duke iu referuar gazetarit që tha këto fjalë.
