Trajneri i Juventus, Massimiliano Allegri, konsideroi sot që në futboll ‘punohet dhe luhet’ për ndeshjet e mëdha, duke iu referuar përballjes ndaj Real Madridit në çerekfinalet e UEFA Champions League.
Allegri në konferencën e sotme për media, komentoi sfidën ndaj Real Madridit, duke rikujtuar finalen e fundit të kupës së Europës dhe duke vijuar më pas që Juventus e sheh këtë ndeshje me pozitivitet.
”Real Madridi është një kundërshtar shumë i mirë, jam shumë i kënaqur sepse do të luajmë ndaj një ekipi të madh. Do të jenë dy ndeshje të mrekullueshme. Nëse jemi më të mirë dhe kemi pak fat, kalojmë tutje. Nëse jo, shkojmë në shtëpi”, theksoi Allegri.
”Punohet dhe luhet për këto ndeshje të mëdha. Duhet marë me pozitivitet, përfshirë edhe faktin që vitin e kaluar eleminuam në çerekfinale Barcelonën. Mbase këtë vit e mposhtim Real Madridin”, vijoi Allegri.
Tekniku Italian dha edhe një mendim nëse Real Madridi është ekipi favorit për të fituar Championsin dhe nëse kjo do të thotë një motivim ekstra për Juventus.
”Forcën e Real Madridit e njohim të gjithë. E thash para tre ditësh që është favoriti dhe jam i bindur për këtë. Kështu që nëse fitojmë, do të ishte një kënaqësi e dyfishtë. Por tani duhet të mendojmë për Serie A”, shpjegoi ai.
Allegri dukej shumë i relaksuar, i motivuar dhe i qeshur në konferencën për media duke insisituar që për momentin, Juventus duhet të shqetësohet vetëm për ndeshjen e ardhshme e që përkon të jetë me atë ndaj Spal.
