Sipas asaj që raportojnë mediat Angleze në ditët e fundit, Real Madridi planifikon të nisë një aksion për të rrëmbyer nga Manchester United talentin Francez Anthony Martial.
Drejtuesit Madrilen e kanë ndjekur sulmuesin vazhdimisht që prej kohës kur ishte në Monaco dhe ata shohin një mundësi për t’a marë në skuadër me kontratën e Francezit që skadon verën e ardhshme dhe ai akoma nuk ka arritur marëveshjen për rinovimin e kontratës.
Gjithnjë sipas mediave në Angli, bisedimet për rinovimin e kontratës së tij kanë ngecur dhe Real Madridi është duke monitoruar nga afër këtë situatë.
Në garë për shërbimet e Martial janë poashtu Tottenham dhe Inter.
