Triumfi mbresëlënës i Madridit ndaj PSG-së mund të nënkuptojë një pikë kthese për ekipin përpara pjesës së mbetur të sezonit.
Pas shumë muajsh parregullësi, me rezultate të dhimbshme dhe që e kishin vënë ekipin në pozitë të keqe, Champions League riktheu verzionin më të mirë të lojtarëve të Zidane. Tani për tani, fitorja e së mërkurës ka përforcuar shumë lojtarë të cilët janë lavdëruar edhe nga trajneri.
Në vazhdim ju kemi sjellur analizën e portalit Marca që këta 6 lojtarë i ka konsideruar si heronjtë kryesorë për fitoren ndaj PSG-së.
Cristiano: vendimtar
Ai që kurrë nuk dështon në ndeshjet e mëdha, e bëri këtë përsëri. Ishte heroi i natës dhe figura e tij u rrit mbi Neymar, Cavani dhe Mbappe. Dy golat për t’i shtuar në listën e 9 golave që kishte në kompeticion. Shumë vendimtar. Zidane ishte i qartë se ai do të shfaqet dhe Portugezi nuk e zhgënjeu atë.
Marcelo: i pandalshëm
Anësori solli panikën kryesore në mbrojtjen e Francezëve. Secili nga pasimet e tij drejt sulmit ishte një dhimbje koke për Unai Emery. Ai ishte i shkëlqyeshëm në sulm dhe e kurorëzoi këtë punë të madhe më një gol që e bënë Madridin të afrohet edhe më shumë drejt kualifikimit në raundin tjetër. Braziliani ka rikuperuar versionin e tij më të mirë pas performancave të dobëta në fillim të sezonit që i sollën shumë kritika. Në lartës, është i pandalshëm dhe më i miri në botë për pozicionin e tij.
Asensio: destabilizues
E pamundur të kontribosh më shumë në këtë kohë. Ai bëri gjithcka të përsosur dhe inkuadrimi i tij kishte një efekt revitalizues në ekip. Ai i solli ekipit shpejtësinë, tejkaloi dhe kombinoi me bashkëlojtarët, sidomos me Marcelon, që ka gjetur një partner perfekt për të formuar një dyshe të frikshme. Me dy fjalë: ndryshoi ndeshjen.
Zidane: mjeshtër
Mori vendimin për të ulur në stol Bale dhe për të startuar me Iscon që të kishte më shumë posedimin e topit. Spanjolli luajit mirë në pjesën e parë dhe kur ekipi filloi të vuaj, ai u largua. Së pari inkuadroi Bale, një ndryshim që pak frikësoi PSG-në, dhe së dyti inkuadroi dyshen Asensio-Vazquez, që i sollën fitoren ekipit. Plani ishte perfekt.
Keylor Navas: shpëtimtari
Ofroi sigurinë e portës gjatë gjithë ndeshjes dhe bëri një pritje shumë të bukur nga goditja e Mbappes kur rezultati ishte 1-1. Pas një merkato dimëror në lëvizje, që emri i tij u përfol shumë, ndaj PSG-së ai besoi dhe përfundoi ndeshjen në mënyrë të mrekullueshme. Zidane vendos bast për të dhe ai nuk është duke dështuar.
Nacho: rezolutiv
Ai kishte për t’u përballur me më të mirin. Vuajti, pasi nuk mund të ishte më ndryshe, por ai u përball shumë mirë me Neymarin duke treguar seriozitet dhe aftësi për t’u përballur me të gjitha pozitat e mbrojtjes. Provimi ishte i vështirë por e përfundoi në mënyrë të mirë, nëse jo shumë të mirë. Me Nachon në fushë, qetësia është gjithmonë.
