Carlo Ancelotti dëshiron Theo Hernandez në Napoli. Trajneri Italian dëshiron që lojtari Madrilen aktualisht i huazuar në Real Sociedad, të jetë pjesë e ekipit të tij për sezonin e ri. Madje sipas mediave në Itali, ish trajneri Madrilen e ka telefonuar personalisht Theon duke i treguar planet e tij për sezonin 2019/20.
Vendimi tani i mbetet Theos i cili duhet ose të vendos mes Real Madridit dhe Napolit. Vazhdimi i huazimit në Real Sociedad edhe për një sezon nuk shihet prioritar pasi Theo tashmë ka marrë një telefonatë nga Ancelotti që i ka siguruar se do të bënte pjesë në planet e tij.
Carlo po ëndërron të formojë një ekip i cili mund t’i bëjë konkurrencë Juventusit për titullin e Seria A, pasi Juve është kampion i 8 sezoneve të fundit në Itali dhe kjo është arsyeja se pse ai po dëshiron Theon si mbrojtës të majtë për sezonin e ri.
