Zinedine Zidane u shfaq përpara mediave për të vlerësuar triumfin e ekipit në eleminatoren përballë PSG.
Fitorja: ”Përgëzoj lojtarët, kanë bërë një ndeshje të mirë dhe serioze që nga fillimi, ishte e rëndësishme të bënim një ndeshje të tillë, fituam në një fushë shumë të vështirë, poashtu edhe në shtëpinë e tyre dhe jemi të kënaqur e të lumtur.”
Formacioni: ”Ekipi si gjithmonë, i kishim të gjithë në dispozicion dhe unë kam bërë zgjedhjen time, na doli mirë, edhe ata që u futën në pjesën e dytë bënë mirë. Është diçka që na doli shumë mirë dhe kështu mund të vazhdojmë përpara dhe të arrijmë diçka.”
Bale: ”E sigurtë që preferon të luaje më tepër, por mirë, kemi shumë ndeshje dhe do të vazhdojmë me atë që jemi duke bërë. Besoj që të gjithë janë të rëndësishëm dhe është ajo që unë shoh, Gareth është njëri nga ne. Mos u brengosni që nuk ka luajtur sepse ai do të luaje në vazhdim.”
Kampioni është rikthyer: ”Kemi kaluar eleminatoren dhe jemi të kënaqur, do të tentojmë të vazhdojmë me atë që ka mbetur në La Liga.”
Ajo që i ka pëlqyer më tepër nga ekipi: ”Na doli gjithçka mirë, serioz që nga fillimi, duke bërë presion lartë: kemi bërë një ndeshje perfekte sepse në fund mund të luajmë çfarëdo ndeshje. Nuk është një fushë e lehtë për të bërë një ndeshje të madhe dhe merituam kualifikimin.”
Lucas dhe Asensio: ”Kërkonim në fund të kishim një linjë me katër lojtarë, duke u mbrojtur mirë në mesfushë dhe ia dolëm mbanë. Lucas dhe Marco janë në një moment të mirë, por kështu ndodhen të gjithë. Pastaj mua më duhet të bëj një formacion startues. Ka dalë gjithçka mirë dhe të gjithë mbështesin njëri-tjetrin në sulm dhe mbrojtje. Kanë bërë shumë mirë që të dy.”
Ndikimi i Zidane në këtë eleminatore: ”Jam këtu për të drejtuar dhe kemi bërë ndeshjen që prisnim, në fund besoj tek lojtarët e mi. Ne besojmë tek ajo që bëjmë.”
Kompromisi i sontëm që ka munguar më parë: ”Është e vërtetë që kemi patur momente të komplikuara, si të thuash, por është pjesë e futbollit. Këta lojtarë kanë fituar shumë dhe është e vështirë të mbash të njëjtin nivel. Duhet pranuar që kemi patur momente të komplikuara gjatë sezoni sepse nuk mundet të fitojmë gjithmonë. Jemi aty ku jemi në La Liga. Duhet të mendojmë për një ndeshje të ngjajshme ndaj Eibar.”
Dobësitë e PSG: ”Nuk besoj që ka patur dobësi, kanë qenë shumë të mirë poashtu edhe në këtë ndeshje, por kanë dal pak më keq sepse ne nuk i kemi lejuar ndryshe.”
Pse nuk luajtën Modric dhe Kroos: ”Nëse janë aty do të thotë që kanë qenë në 100% e tyre dhe kanë mundur të luajnë por më pas kam menduar në shumë faktorë dhe për faktin që ndeshja mund të kishte 90 apo më tepër minuta dhe në fund vendosa për këtë formacion. Kemi bërë një ndeshje të madhe, kjo është më e rëndësishmja, me seriozitet, ndonjëherë del nga presioni, por gjithmonë duhet menduar të luajmë në pjesën e fushës së rivalit, duke tentuar t’a bezdisësh atë dhe duke luajtur shumë lartë.”
Statusi i Bales: ”Nuk ka luajtur nga fillimi në këtë eleminatore por nuk do të thotë asgjë. Është një lojtarë shumë i shkathët dhe do të jetë shumë i rëndësishëm deri në fund.”
