Ish-sulmuesi i Real Madridit, Fernando Morientes pret që Los Blancos të nënshkruajnë me një sulmues për sezonin e ardhshëm. Skuadra po vuan nga mungesa e golave të shënuar këtë sezon pas largimit të Cristiano Ronaldos dhe 43 vjeçari mendon se një transferim i tillë është i detyrueshëm në verë.
“Unë shpresoj se Real Madridi do të nënshkruajë me një sulmues për sezonin e ardhshëm,” tha ai për Marcan.
Së fundmi, pas kritikave të Radomir Antic ndaj Luka Modricit, Morientes në njëfarë mënyre ra dakord që kroati nuk ka qenë në nivelin e tij më të mirë këtë sezon.
“Sipas meje, këtë sezon ai nuk ka qenë në nivelin me të cilin jemi mësuar t’a shohim,” tha ai.
