Ole Gunnar Solskjaer ka mbyllur derën e largimit Paul Pogbas nga Manchester United kur është pyetur për të ardhmen e qendërmesfushorit Francez, i cili shihet si një prioritet i Real Madridit.
”Eshtë i lumtur këtu.”, ishte përgjigja e Norvegjezit për të ardhmen e Pogbas.
Thashethemet filluan kur Pogba tha këto fjalë për Madrilenët: ”Madridi është një klub ëndërrash dhe të stërvitem nën Zidane, është një ëndërr për të gjithë.”
Ditë më vonë Zidane pranoi para mediave se Pogba është një lojtar që i pëlqen shumë në një intervistë për Marca që e titulluan si lajmi kryesor i muajit.
Tani tekniku i Man UTD ka dalë me disa fjalë rreth Pogbas dhe Zidane dhe intervistave të tyre: ‘‘Paul është një njeri i sjellshëm dhe edukativ që iu përgjigj një pyetje rreth Zidane i cili është një ikonë në Francë, një trajner fantastik. Ai ishte edhe një lojtar fantastik.”, shtoi Solskjaer.
”Pogba është i lumtur këtu. Eshtë pjesë e rëndësishme e këtij ekipi dhe do t’a ndërtojë ekipin rreth tij.’‘, përfundoi Ole.
