Reguilon është i vetëdijshëm se me rikthimin e Zinedine Zidanes në stolin e Real Madridit, ai do t’i jep besimin Marcelos në formacionin startues.
Pas një parasezoni të mrekullueshëm, Sergio Reguilon përfundoi duke qenë startues në ekipin e parë këtë sezon si dhe zhvillimi i tij ishte një nga gjërat më të mira të Real Madridit në këtë sezon zhgënjyes. Megjithatë, 22 vjeçari është i vetëdijshëm se zhvillimi i tij nuk do mund të vazhdojë në të njejtën mënyrë me rikthimin e Zidanes në stolin madrilen pasi që ai ka një besim të madh ndaj Marcelos që do jetë zgjedhja e tij e parë në pozitën e mbrojtësit të majtë.
“Unë kurrë nuk jam ndjerë sikur një lojtar i rregullt i skuadrës së parë, pasi jam i vetëdijshëm se Marcelo ka rolin startues në skuadër,” deklaroi mbrojtësi në emisionin televiziv, El Chiringuito.
Pikëpamjet e tij tregojnë një nivel të pjekurisë së një lojtari i cili është i përgatitur për të luajtur në klub në çfarëdo lloj situate.
