Ashtu siç u raportua edhe disa ditë më parë nëpërmjet një artikulli ku citonim të besueshmen Cuatro në Spanjë, Antonio Conte edhe përfundimisht duket sikur ka hequr dorë nga stoli i Real Madridit.
Këtë e kanë konfirmuar sot edhe burime shumë të besueshme pranë Sky Sports, që citojnë se tekniku nuk e sheh veten të përshtatshëm për të marë drejtimin e Real Madridit në këtë moment.
Gjithnjë sipas raportimeve të fundit në Angli, tekniku Italian është duke pritur shkarkimin e Jose Mourinhos nga Manchester United dhe projekti i djajve të kuq e entuziazmon më tepër se sa projekti që i ofron Real Madridi (afat shkurtë dhe në varësi të rezultateve për vazhdimin e kontratës).
Kështu siç shkojnë gjërat, duket sikur në stolin e Real Madridit do të mbetet Santiago Solari që debutoi sot me një fitore 4-0 në transfertë në Copa Del Rey ndaj Melillas.
