Julen Lopetegui u shfaq përpara mediave në prag të El Clasicos së nesërme që do të luhet në Camp Nou me fillim në ora 16:15. Tekniku Madrilen analizoi duelin dhe situatën e tij personale. Ndeshja e nesërme mund të jetë e fundit për të në stolin e Real Madridit nëse ai nuk është në gjendje të marë një rezultat të mirë pas katër javëve në La Liga pa fitore.
Ka jetë për Lopeteguin: ”Shpresoj të vazhdoj të mar frymë, nuk besoj që do të vdes. Gjithsecili ka 100% energji dhe të miat janë 100% të fokusuara tek ekipi im.”
Barcelona pa Messin: ”Do të përballemi në këtë ndeshje duke menduar për veten, duke optimizuar cilësitë dhe potencialin tonë. Dhe kur duhet të mbrohemi, të mbrohemi mirë. Nuk ka rëndësi nëse është apo nuk është ndonjë lojtar rival në fushë.”
Mbështetja nga skuadra: ”Ata besojnë tek unë dhe unë besoj tek ata, nuk kam asnjë dyshim. Kjo do të thotë që po punojmë mirë dhe fort, me dëshirën për t’u dhënë tifozëve tanë gëzim. Do të shkojmë nesër me ambicie dhe iluzion maksimal, të përgaditur për të bërë një ndeshje të mirë.”
E ndjen presionin: ”Kemi një ndeshje mjaftueshëm atraktive nesër sa për të menduar për këto lloje historish që nuk ndihmojnë në përgaditjen e ndeshjes, duam të arrijmë nesër në kushtet më të mira të mundëshme.”
Presioni lartë në fushë: ”Nuk do të heqim dorë nga presioni lartë. Ka shumë mënyra për të luajtur futboll, do e shihni nesër atë që do të bëjmë.”
Janë mediat ata që kanë vënë në pikëpyetje të ardhmen e tij?: ”Unë fokusohem tek puna ime së trajner e që është të bëj më të mirën që ekipi im të përmirësohet. Ajo që thoni ju nuk ndihmon apo përmirëson ekipin tim, po tentojmë të përmirësojmë efikasitetin në zona të ndryshme dhe të përgaditemi për një ndeshje shumë kërkuese. Kam 100% energji dhe nuk shpenzoj as 0.0001% për t’u përgjigjur në këtë pyetje.”
Fjalët e Marcelos në zonën mikse: ”Janë situata që favorizojnë punën tuaj dhe pak punën tonë, ajo që më intereson është se si Marcelo stërvitet. Situata jonë nuk është e pakthyeshme, jemi në Tetor. Ju e shihni ndeshjen në këndvështrimin tuaj dhe ne e shohim në tonin, dhe ju siguroj se këto dyja nuk përputhen.”
Më i rëndësishëm emocioni apo loja e bukur: ”Të dyja janë të rëndësishme, emiconi poashtu edhe aspekti futbollistik, ka detaje të vogla shumë të rëndësishme.”
Isco dhe Marcelo: ”Marcelo kishte një goditje dhe është mirë, është stërvitur me normalitet. Isco ka dalë nga një muaj joaktiv, nuk ka luajtur asnjë ndeshje komplete dhe nesër do të shihni se kush është formacioni.”
Anësori i djathtë: ”E kam të qartë se kush do të luaje, kam besim tek të gjithë lojtarët që mund të luajnë në atë krah.”
Pësimi i shumë golave në 45 minutat e para: ”Ndeshja luhet 90 minuta, kemi folur për efikasitetin në zona të ndryshme.”
Rëndësia e Ramos: ”Është kapiteni ynë dhe vepron si i tillë. Kemi fatin që ndodhet me ne. Ka kapiten të mirë dhe të mëdhenjë, Ramos është ky i dyti.”
Ju shqetëson që konsiderohet një surprizë nëse fiton Reali: ”Pranoj të gjithat, ajo që thoni nuk do të ndryshoje asgjë. Në asnjë fushë që fitojmë ne, nuk konsiderohet surprizë. Nuk më shqetësojnë fjalët që thoni ju. Nëse fitojmë në Camp Nou, do të isha i lumtur.”
