Isco ka shoqëruar Lopeteguin në konferencën e sotme për media, në prag të sfidës së nesërme ndaj Viktoria Plzen në Champions League. Mesfushori ishte shumë i drejtëpërdrejtë me përgjigjet e tij teksa tregoi mbështetje për trajnerin dhe bëri me dije që skuadra do të përmbyse gjërat.
”Situata aktuale? Kam besim tek kjo skuadër. Jemi fituesit dhe këtë e kemi dëshmuar. Kemi nevojë për mbështetjen dhe dashurinë e tifozëve. Shpresoj që ndeshja e nesërme të jetë pika e kthesës. Le të luajmë mirë, të bëjmë tifozët të lumtur dhe të ndryshojmë rezultatet negative të cilët i kemi patur së fundmi.”
”Cristiano? Nuk mund të qajmë për dikë që nuk deshi të qëndronte me neve. Ai nuk është më këtu dhe nuk kemi se çfarë të flasim.”
”Lopetegui? Do të ishte budallallëk t’a shkarkonin. Nëse shkarkojnë trajnerin, do të duhet të na nxjerin të gjithëve sepse janë lojtarët që ndodhen në fushë, është faji ynë.”
”Kriza? Kam qenë këtu për 6 sezone tashmë dhe gjithmonë kur jemi konsideruar jashtë, kemi fituar 4 Champions në 5 vitet e fundit. Ajo që kam mësuar është se Real Madridin nuk mund t’a japësh të vdekur. Jemi të shqetësuar, kuptohet, sepse nuk po marim rezultatet që meritojmë.”
