Cristiano Ronaldo ka dhënë një intervistë për kanalin brazilian në YouTube, Desimpedidos. Në intervistën e tij, lojtari Madrilen është shprehur i kënaqur me cdo gjë që ka arritur, duke ruajtur ambicien e tij dhe beson se ende ka forcë për të luftuar për Topin e Artë. Kjo ishte intervista e tij e plotë:
Topi i Artë
”Kurrë nuk kam ëndërruar që do t’i fitojë 5 Topa të Artë. Nëse kam për të përfunduar karrierën time tani, do të isha super i lumtur. Nëse fitova një Top të Artë më shumë, dy, tre…Jam i kënaqur me jetë. Por edhe nëse nuk e fitoj, tashmë kam fituar 5. Unë ende kam forcë dhe besim për të luftuar për këtë cmim. Varet nga titujt që fitojmë këtë vit.”
Botërori
”Ne nuk jemi favoritë. Duhet të jemi të ndershëm. Ka ekipe me më shumë emra: Brazili, Spanja, Gjermania, Argjentina..Por në futboll gjithcka është e mundur. Shkojmë të kualifikohemi nga faza e grupeve. Duhet të shkojmë hap pas hapi. Shkojmë të provojmë kualifikimin dhe pastaj të shohim. Objektivi kryesor është faza e parë.”
Inspirimi
”Gjithmonë kam pasur një objektiv, të jem një futbollist profesional dhe të luaj për kombëtaren. Në atë nivel shikoja disa lojtarë si Rui Costa, Fernando Couto, Figo. Gjithmonë i shikoja ta si një objektiv. ”Të luaj në vendin e tyre’. Deco ishte më vonë, erdhi në kombëtare në të njejtën kohë me mua.”
A i keni ende ëndërra për t’i përmbushur
”Sinqerisht, nuk mendoj. Gjithcka që kam ëndërruar e kam arritur.”
Finalja e Kupës së botës për Klube
”Një finale gjithmonë është 50%. E kemi bërë dallimin pasi në Europë është futbolli më i mirë i botës. Nuk jemi hipokit dhe të mendojmë se futbolli më i mirë është në Kinë, Meksikë apo Brazil. Jo. Eshtë në Europë, janë ekipet më të mira të botës. Dhe konkurrenca në Europë është shumë e mirë pasi luan kundër ekipeve më të mëdha, më të mirat në botë.”
Karakteristikat e futbollit në Brazil
”Në Brazil, cilësia teknike është më e mirë, teknikisht brazilianët janë shumë të mirë. Por ata nuk janë mësuar të luajnë kundër Real Madridit apo Barcelonës. Ne e dinim se nëse do të luanim në nivelin tonë ndaj Gremios, do të fitonim.”
