Këtë të hënë, më 24 shtator, do të mbahet gala mbrëmja “The Best”, ku do të ndahen çmime për futbollistët më të mirë të vitit.
Ceremonia e cila fillon në orën 20:30, do të mbahet në kryeqytetin britanik, Londër.
Cmimi kryesor i kësaj ceremonie është ai i cili ndahet për lojtarin më të mirë të vitit e ku në garë për të janë: Luka Modric, Cristiano Ronaldo dhe Mohamed Salah.
Nga tre të lartëpërmendurit, kroati Luka Modric është favoriti kryesor për ta fituar këtë çmim.
Poashtu, në këtë gala mbrëmje do të ndahet edhe një çmim tjetër: ai për portierin më të mirë te vitit.
Thibaut Courtois, Hugo Lloris, dhe Kasper Schmeichel do të luftojnë për ta rrëmbyer epitetin e portierit më të mirë për vitin 2018.
Por nuk mbaron këtu puna e ndarjes së çmimeve për më të miret e vitit. Një çmim do të jepet edhe për trajnerin më të mirë të vitit.
Për këtë çmim në garë janë: dy francezet, Zidane e Deschamps dhe kroati Zlatko Daliç.
Në këtë ceremoni do të zgjidhet edhe 11-shja më e mirë e vitit.
Vitin e kaluar 4 lojtarë Madrilen ishin pjesë e këtij formacioni: Ramos, Marcelo, Kroos dhe Cristiano.
