Isco ishte autor i golit të parë të Real Madridit në një ndeshje spektakolare ndaj Romës. Mesfushori Spanjoll shpjegoi që goditjet e dënimit përpara zonës i dalin mirë dhe pasi kanë patur një bisedë me Ramos, kapiteni e ka lejuar të godasë.
Ndeshja e sontme: ”Shumë i kënaqur me lojën. Ka qenë një rezultat i merituar dhe me një lojë të mirë. Besoj që mund të kishim shënuar ndonjë gol më shumë por jam i kënaqur që filluam Championsin në këtë mënyrë.”
Të vazhdojmë të përmirësohemi: ”Duhet të vazhdojmë të përmirësohemi. Ekipi ka bërë një ndeshje të mirë dhe kishim nevojë për më tepër kontroll të lojës, para se të gjithash kur fitonim dhe nuk bënim kthesa në lojë. Sapo kemi filluar dhe kemi kohë për të përmirësuar gabimet.”
Goli i tij: ”Jam i kënaqur me golin dhe për faktin që munda të ndihmoj ekipin. Goditjet aty më dalin mirë. Sonte më takoi të godas dhe Ramos më lejoi. Jam i kënaqur me golin, për faktin që ka ndihmuar ekipin dhe për tre pikët.”
Modric dhe topi i artë: ”Modric është një lojtar i madh që jep shumë për ekipin dhe unë poashtu kërkoj që Topi i Artë të jetë për Modric sepse e meriton. Është një lojtar unikal. Është thelbësor për neve dhe kombëtaren e tij.”
