Pavarësisht se mungoi në ndeshjen e mbërmshme ndaj Liverpool ku skuadra e tij u mposht me rezultatin 3-2, Dani Alves nuk ndalet së bëri protagonistin.
Në prag të fillimit të kampanjës së Real Madridit për të mbrojtur titullin në Europë, Dani Alves ka dhënë një intervistë interesante për MARCA-n ku ka theksuar që Real Madridi do të jetë akoma më i rrezikshëm pa Cristiano Ronaldon.
”Nuk do të jetë e lehtë ndaj Real Madridit,” filloi ai.
”Mendoj se përkundër asaj që çdokush e thotë, Real Madridi është më tepër një skuadër pa Cristianon dhe tani është pak më e vështirë t’i mposhtës se sa më përpara – të paktën kjo është mënyra se si unë e shoh futbollin dhe konceptin e lojës.”
”Edhe pse kuptohet që largimi i tij është një humbje brutale, por Real Madridi është Real Madrid.”
