Zlatko Dalic ka komentuar mungesën e Cristiano Ronaldos në gala-n e UEFA-s, përshkak se Modric fitoi çmimin ‘Lojtari më i Mirë’ nga UEFA, ku sipas portugezit, kroati nuk e meritonte.
Cristiano Ronaldo është një egoist sipas trajnerit të Kroacisë, Zlatko Dalic i cili kurrë nuk do të dëshironte t’a kishte në skuadrën e tij.
“Ronaldo nuk mori pjesë në ceremoninë e UEFA-s, dhe ato komente lidhur me Lukan që e fitoi atë.. nuk është e denjë që unë t’a komentojë,” – tha ai për Sportkse Novosti.
“Kjo vetëm vërteton atë që unë vazhdoj të them: Ronaldo është egoist dhe nuk do ta dëshiroja kurrë atë në ekipin tim. Ai është një lojtar që mendon vetëm: ‘Pa marrë parasysh nëse humbim, e vetmja gjë që ka rëndësi është që të shënoj gol!'”
