Trajneri i Juventusit, Massimiliano Allegri pas humbjes së mbrëmshme 3-1 nga Real Madridi, deklaroi se këta të fundit ka një skuadër të shkëlqyer edhe pa Cristiano Ronaldon.
“Pashë një Real Madrid që është duke u përgatitur, me një numër të lojtarëve ende në pushime, por jam i sigurt se ata do të udhëheqin në Evropë”, u shpreh Allegri.
Allegri duke folur për ndeshjen e mbrëmshme tha se ishte një lojë e mirë kundër një skuadre të madhe.
“Nuk ishte e lehtë pasi luanim katër ndeshje dhe tashmë mendojmë për kampionatin italian”, bëri të ditur trajneri i Juves.
Ai e pranoi se me Cristiano ekipi i tij do të jetë më i fortë, por shtoi se nuk duhet të mendojnë se kampionati italian do të jetë i lehtë dhe të mendojnë vetëm për Ligën e Kampionëve.
“Ju duhet të keni një respekt të madh për rivalët tanë”, deklaroi 50 vjeçari.
Juventusi humbi mbrëmë nga Real Madridi me rezultat 3-1. Bale dhe Asensio me dy gola i dhuruan Madrileneve fitoren e parë parasezonale.
