Sezoni 2018/19 mund të jetë shumë i rëndësishëm për Gareth Bale, beson ish-lojtari i Real Madridit, Steve McManaman. Anglezi ka theksuar se ish-skuadra e tij do të përpiqet t’a përballon humbjen e Cristiano Ronaldos dhe tha se Julen Lopetegui do të pres edhe më shumë tani nga Bale.
“Ata kanë humbur një nga lojtarët më të mirë në botë dhe kanë nevojë për dikë tjetër. Natyrisht ata kanë Bale dhe Benzeman, por ata kanë nevojë ende për më shumë përforcime. Barcelona fitoi kampionatin vitin e kaluar me një diferencë të konsiderueshme pikësh. Barcelona është më e fortë se vitin e kaluar, ndërsa Real Madridi është më i dobët, sepse e kanë humbur Ronaldon.” – Tha fillimisht McManaman për Efe.
“Mendoj se Lopetegui dëshiron që Bale të marrë përsipër rolin e liderit të Cristiano Ronaldos. Është shumë e vështirë sepse Ronaldo kishte mesatarisht një gol në ndeshje, por Bale është një lojtar i ndryshëm dhe shumë dinamik, i cili do të ketë një sezon madhështor.” – përfundoi McManaman në lidhje me këtë.
Ish-mesfushori i Real Madridit gjithashtu diskutoi për nënshkrimet potenciale për këtë merkato verore, duke theksuar se do të ishte pothuajse e pamundur nënshkrimi i Kylian Mbappe.
