Vinicius Junior është duke jetuar ëndrrën. Që kur ka zbarkuar në Madrid, ai ka filluar me adaptimin në jetën e tij të re larg Brazilit, ndërsa në një intervistë për Real Madrid TV, adoleshenti Brazilian ka treguar për ditët e tij të para si lojtar i Real Madridit, seancat e para stërvitore me ekipin dhe cilat janë objektivat për sezonin aktual, mes temave të tjera.
”Që kur kam ardhur këtu, kam ndjerë diçka ndryshe, jam shumë i lumtur dhe jo vetëm unë por e gjithë familja dhe shoqëria ime. E gjithë bota më pyet se si është të jesh këtu. Gjithmonë u them që nuk ka më mirë se sa të jesh në ekipin më të mirë në botë,” u shpreh Vinicus.
Braziliani poashtu ka folur edhe për mënyrën se si e sheh futbollin: ”Bëj një futboll të kënaqshëm dhe spektakolar, me një stil loje të futbollit Brazilian, gjithmonë me shumë finte, por duke respektuar kundërshtarin dhe duke tentuar të shënoj shumë gola që t’i ndihmoj ekipipt tim.”
Vinicius tashmë ka një javë që stërvitet me bashkëlojtarët e tij në Valdebebas dhe ka treguar shumë detaje ndaj të cilave Lopetegui por mer shënime.
Një ndër lojtarët e skuadrës më të interesuar për djaloshin Brazilian është bashkë-kombasi i tij Marcelo. ”Gjithmonë më thotë që do të më pëlqeje shumë qëndrimi këtu. Më thotë që do të dua të luaj këtu për shumë vite dhe që asnjëherë nuk do të dua të largohem nga Real Madridi, nga ky ekip i mrekullueshëm që ndodhet këtu dhe se për çfarëdo që kam nevojë, ai do të më ndihmoje. Stëvitjet janë shumë të mira, ngjajnë me futbollin Brazilian, por këtu lëvizet më shpejtë me topin. Teksa flasim për titujt, nëse unë arrij të fitoj gjysmën e trofeve që ka fituar Marcelo, do të ishte shumë mirë.”
Mes tjerash, Vinicius ka folur edhe për të ardhmen e tij në klub ndërsa ka bërë me dije që do i pëlqente të vazhdonte me bluzën e bardhë: ”Imagjinoj një vit të shkëlqyer, në të cilin Madrilenët do të festojnë shumë tituj me mua dhe me të gjithë ekipin. Gjithmonë dua të fitoj më shumë tituj dhe mbi të gjithash, të fitoj Championsin për Real Madridin.”
Për t’a përmbyllur, Vinicius dëshiroi të dërgonte edhe një mesazh për tifozët Madrilen dhe ka siguruar që me të do të fitohen shumë tituj, përfshirë dhe Championsin.
”Jam shumë i lumtur, shumë i kënaqur që kam veshur bluzën e ekipit më të mirë në botë dhe dua t’ju them që do të fitojmë shumë tituj.”
