Real Madridi pret që një numër lojtarësh të ekipit të parë të largohen nga klubi këtë verë, megjithatë Marco Asensio nuk do të jetë një prej tyre pasi agjenti i tij e bëri të qartë se klienti i tij është i lindur për Real Madridin.
“Marco nuk do të lëvizë, ai do të qëndrojë me Real Madridin”, ka thënë Horacio Gaggioli në një intervistë për Calciomercato.
Gaggioli u shpreh se sezoni i ardhshëm i Asensios në Real Madrid do të jetë shumë i rëndësishëm.
“Ai është duke u përmirësuar gjatë gjithë kohës”, deklaroi Gaggioli.
Para këtyre deklaratave të agjentit te tij, në medie u përfol për një kalim të mundshëm të Asensios në Liverpool.
22-vjeçari ka një kontratë me Real Madridin deri në qershor të vitit 2023. Klauzola e tij e blerjes është 350 milionë euro.
