Gazeta e përditshme franceze L’Equipe sot ka publikuar një intervistë me Eden Hazard, në ditën e debutimit të kombëtares Belge në botërorin Rusia 2018 ndaj Panamas (sot 17:00h)
Në të, përveç që ka analizuar kampionatin, ai ka folur edhe për të ardhmen: ”Nëse unë qëndroj në Chelsea atëherë do të jetë për shkak se jemi më të mirë se në sezonin e kaluar. Nuk do të qëndroj nëse jemi më të dobët.”, theksoi Hazard.
I pyetur për interesimin e Real Madridit, ai nuk fshehu dëshirën: ”Real Madridi mund të interesohet, e gjithë bota e di. Ata tashmë e dinë se çfarë duhet të bëjnë nëse më dëshirojnë mua.”
”Të them po largohem do të ishte e lehte, por së pari dua të shoh se çfarë do të ndodhë në Chelsea në sezonin e ri, dua të shoh nëse trajneri vazhdon apo jo.”, përfundoi intervistën lojtari Belg.
