Kishte shumë gola impresionues të shënuar gjatë sezonit 2017/18 në Champions League, por goli i Gareth Bale ndaj Borussia Dortmund i shënuar me një volej fantastike është zgjedhur më i miri i edicionit.
Teksa të gjithë prisnin që goli me roveshatë i shënuar nga Cristiano ndaj Juventus të merte vendin e parë, fituesi aktualisht është Uellsiani.
Goli i Bales ndaj Dortmund mori 19% të votave në një sondazh të mbajtur nga UEFA në webfaqen zyrtare, teksa goli i Cristianos ndaj Juventus mori 18% të votave. Goli i tretë më i mirë me 12% të votave u zgjodh përsëri një gol i Bales, ai i shënuar në finale ndaj Liverpool, që i solli Real Madridit edhe trofeun e 13-të në Champions.
