Futbollisti kroat, Luka Modric, beson se Real Madridi po ndërton një dinasti në Champions League në stilin e Chicago Bulls apo LA Lakers në NBA.
”Në javët para finales kemi shikuar një film në lidhje me ekipet basketbollistike të Chicago Bulls, LA Lakers dhe Boston Celtics, dhe se si ata kishin fituar tri apo katër herë radhazi në NBA. Ata e quajnë dinasti. Tani neve mund të na quani një dinasti.”, tha Modric në një intervistë për gazetën gjermane ‘Die Welt’..
Sa i përket triumfit në finalen e Kievit, Modric u shpreh: ‘‘Eshtë dicka e pabesueshme, dicka historike. Nuk e di nëse dikush mund t’a përsërisë në tëardhmen. Dy herë ishte dicka e mahnitshme, tani është historike.”
Në intervistën e gjatë për gazetën gjermane ai foli edhe për bashkëlojtarin e tij Kroos, për të cilën kishte vetëm fjalë të mira: ”Për mua është njëri nga më të mirët në botë dhe më pëlqen cdo ndeshje përkrah tij. Personaliteti i tij është shumë i ngjashëm me timin dhe mendojë se për këtë kemi ndjenja të mira. Eshtë i mahnitshëm, mund të ndodhë që ai kurrë të mos nervozohet. Unë gjithashtu jam një person i qetë, por ai është shumë më tepër.”
