Florentino Perez nuk është ngopur nga trofetë e shumtë që ekipi ka fituar në vitet e fundit dhe gjatë periudhës së tij, dhe ka kërkuar nga klubi që të punojnë edhe më shumë për të fituar titullin si klubi më i mirë i shekullit XXI.
‘‘Real Madridi po punon që një ditë të fitojë titullin si klubi më i mirë i shekullit XXI. Jam krenar që jam president dhe të udhëheq këta lojtarë, këtë staf teknik dhe këta tifozë. Për lojtarët dhe trajnerin, dua të di se sa ështëe vështirë të fitosh atë që fituat. Zidane dhe këta lojtarë mund të udhëheqin klubin që të shpallet më i miri i këtij shekulli. Ajo që po arrin ky ekip është dicka mbresëlënëse në futbollin modern. Real Madridi po kryeson futbollin botëror.”, ishin fjalët e presidentit në festën e djeshme të ekipit pas fitimit të La Decimoterceras.
