Karim Benzema i cili shënoi gol në finalen e sontme ndaj Liverpoolit, ka deklaruar se Cristiano do të qëndrojë në Real Madrid dhe se këta të fundit kanë nevojë pë të.
“Nuk mendoj se ai do të largohet. E dimë se është më i miri në botë”, ka bërë të ditur Benzema.
Francezi e ka quajtur historik triumfin e sontëm të Real Madridit. Ai tha se Madrilenet kanë fituar trofeun që për të është më i rëndësishmi i sezonit.
“Ne do të vazhdojmë kështu, kemi një grup të frikshëm”, u shpreh Benzema.
Goli i sontëm i Benzemas erdhi pas një gabimi nga ana e portierit të Liverpoolit. I pyetur në lidhje me këtë gjë, Benzema u përgjigj duke thënë se gabimet janë për tu shfrytëzuar.
“Kam qenë i gatshëm, kjo është e mirë për ne, sepse ne fituam”, ka deklaruar 30 vjeçari.
Benzema bëri të ditur se do të vazhdojë të punojë në menyrë që të qëndrojë në Real Madridi edhe për shumë vite të tjera.
“Jam në ekipin më të mirë në botë dhe kemi një grup të shkëlqyeshëm, shpresojmë të vazhdojmë të fitojmë titujt sepse kemi një grup të mrekullueshëm dhe jemi shumë të lumtur”, ka thënë Benzema.
