Ish lojtari Madrilen, Xabi Alonso, ka theksuar e logjikisht Real Madridi është favorit në Champions League për shkak të trajektorës së tyre fituese në vitet e fundit por ka paralajmëruar se cdo gjë mund të ndodhë sikurse që kanë ndodhur gjëra të papritura në këtë sezon të Championsit.
”Për mua është një finale e vecantë pasi janë dy klube me të cilat kam një lidhje shumë të fortë. Kam kaluar nga 5 vite në ato dy klube dhe në të dyjat kam fituar Championsin. Eshtë shumë, shumë speciale për mua. Mund të ndodhë gjithcka. Në fazat e mëparshme të Championsit këtë sezon, ashtu si në cerekfinale apo gjysmëfinalen, kanë ndodhur gjëra aq të papritura saqë mund të përsëriten edhe në finale.”, tha Alonso në një intervistë.
Mesushori Spanjoll tha se Madridi nuk do të ndryshojë lojën e tyre ndaj Liverpoolit: ”Gjatë këtyre viteve ata kanë një formë të lojës shumë të përcaktuar, lojtarët dinë të luajnë shumë mirë dhe mbi të gjitha, në ndeshjet e mëdha, dhe kur luajnë më mirë, ata besojnë edhe më shumë. Ju siguroj se në finale do të shihni një Real Madrid madhështor.”
Ndërsa, sa i përket Liverpoolit ai shtoi: ”Liverpooli do të jetë më i papritur, por do të jetë një finale mes dy ekipeve që kanë pothuajse më së shumti histori në Champions League.”
Në fund, ai foli edhe njëherë për Madridin dhe Zidane: ”Real Madridi po bën historinë dhe po rritet edhe më shumë. Eshtë e mahnitshme ajo që po bëjnë. Pajtohem me fjalët e Zidane. Për të fituar tre Champions radhazi në dy sezone e gjysmë është punë e madhe. Zidane e ka bërë këtë edhe pse ndoshta nuk është vlerësuar sa duhet.”
