David Alaba, mbrojtësi i krahut të majtë të Bayernit, ka qenë në agjendën e ekipit Madrilen në 3 merkatot e fundit verore.
Babai dhe agjenti i lojtarit austriak, e ka pranuar këtë gjatë ditës së sotme në një bisedë telefonike me gazetën AS, duke thënë se të gjithë e dinë interesimin e Real Madridit për djalin e tij.
”E gjithë bota e di se Real Madridi është me të vërtetë i interesuar për Davidin, por tani nuk mund të themi asgjë. Le të shohim se cfarë ndodhë në verë. Tani nuk është koha për të folur rreth ekipeve që janë të interesuara për të. Interesimin e Madridit e di gjithë bota, nuk është sekret, por tani nuk ka asgjë për të thënë, duhet të presim pas sezonit për të parë gjithcka.”, ishin fjalët e tij.
David Alaba, 25 vjet, mund të luajë si qendërmbrojtës, si anësor në mbrojtje apo në mesfushë. Ai ka edhe tri vjet kontratë me klubin Bavarez.
