Toni Kroos ishte lojtari që shoqëroi teknikun Zidane në konferencën për shtyp para ndeshjes së nesërme ndaj ish klubit të tij, Bayern Munich. Mesfushori Gjerman foli për këto tema:
Gjysmëfinalen
”Ne duam të kalojmë atë. Eshtë shumë e rëndësishme për ne. Eshtë opsioni i vetëm që kemi për të fituar një titull këtë sezon. Dy vjet më parë ishte e ngjashme dhe e fituam, dhe sigurisht se jemi shumë të motviuar, është parë në të gjitha raundet. Fitimi i Championsit për tri vite radhazi është një gjë e vecantë. Jemi këtu përsëri dhe duam t’a fitojmë përsëri. Këtë vit ne luajtëm kundër PSG-së në raundin e parë, kundër Juventusit në cerekfinale dhe rruga nuk ishte e lehtë.”
Rivali
”Presim një ekip të fortë, është gjysmëfinalja e Championsit dhe është e qartë se do të jetë një kundërshtar i vështirë. Kam një përshtypje të mirë për Bayernin në vitet e fundit, dëshirojnë arritjen e finales dhe presim një ekip të uritur që dëshironë të kaloj raundin.”
Lojtari më i rëndësishëm i Bayernit
”Nuk do të largoja asnjë në vecanti. Kam luajtur me shumë lojtarë të Bayernit për shumë vite në kombëtare, por nëse shikoni formacionin e mundshëm të Bayernit ka shumë lojtarë të mirë. Janë në formë më të mirë fizike sesa në vitin e kaluar dhe duhet të luajmë lojën tonë.”
Ramos
”Sergio është një lojtar i madh dhe në titujt që kemi fituar ai ka treguar se është një lojtar shumë i rëndësishëm për ne. Me Juventusin kemi pasur raste për të shënuar, kaluam, jemi në gjysmëfinale dhe jemi të lumtur që mund të llogarisim në Ramos.”
Përvoja
”Falë përvojës ju e dini se cfarë duhet të bëni dhe kjo është ajo që na ka dërguar këtu ku jemi tani.”
