Joshua Kimmich ka dhënë një intervistë për televizionin zyrtar të klubit të tij ‘BayernTV’ në të cilën ka folur për ndeshjen e së mërkurës ndaj Real Madridit në gjysmëfinale të Champions League.
”Jemi të vendosur për të arritur finalen këtë vit.”, thotë Kimmich.
Sa i përket eliminimit në sezonin e kaluar nga Real Madridi, ai fajësoi gjyqtarin për këtë: ”Ishte shumë e vështirë, në vitin e kaluar u eliminuam nga Real Madridi, natyrisht me një fat të keq për shkak të vendimeve të arbitrit.”
Ndërsa se si e sheh Madridin ai shtoi këto fjalë: ‘‘Mendoj se Real Madridi nuk ka qenë mirë këtë vit si gjithmonë në sezonet tjera, por në Champions League ata janë mirë.”
