Mbrëmë kemi parë një atmosferë unike në Bernabeu. Së pari Juventusi me 3 golat e tyre që barazoi rezultatin e cerekfinales dhe në fund goli i Cristianos nga penalltia që i siguroi kualifikimin ekipit në gjysmëfinale.
Pas përfundimit të ndeshjes, të gjithë Madrilenët festuan në Bernabeu dhe ishin jashtëzakonisht të lumtur për kualifikimin pasi vuajtën për 90′ minuta nga Juventusi që ishte superior në këtë ndeshje.
Por nuk munguan as përballjet mes lojtarëve dhe stafit të dyja ekipeve. Ishte Blaise Matuidi ai që nuk mund të shihte Cristianon duke festuar pas vërshëllimës së gjyqtarit dhe iu afrua atij të kacafytej me të.
Menjëherë erdhi reagimi nga Marcelo që tërhoqi prapa Cristianon duke e ndërprerë bisedën e tyre që mund të eskalonte edhe më shumë.
Video e mëposhtme e tregon më së miri këtë kacafytje të Matuidi me Cristianon pas ndeshjes:
