Zinedine Zidane e ka bërë të qartë. Nuk do të ketë korridor nderi në Camp Nou nëse Barcelona shpallet kampion para El Clasicos. Tekniku Madrilen pohoi se Barcelona ishte e para ajo që theu këtë traditë shumëvjecare në Spanjë. ”Nëse korridori i nderit ishte një traditë për kampionin, atëherë Barcelona e theu atë. Ne nuk do t’a bëjmë atë në Camp Nou, është vendim i imi.”, tha Zidane./
Por në cfarë momente bazohet Zidane me fjalët e tij? Francezi kujton atë që ndodhi më 23 dhjetor 2017. Gueillermo Amor, drejtori institucional i Barcelonës, tha se klubi Blaugran nuk do t’i bëjë korridorin e nderit Real Madridit që luajti në El Clasico vetëm 7 ditë pasi u shpall kampion i Kupës së botës për Klube në Abu Dhabi.
Kështu kishte thënë Amor: ”Në këtë klub korridori zakonisht bëhet kur ne marrim pjesë në turneun e ekipit kampion, dhe tani nuk është kështu.’‘ Kjo El Clasico e 23 dhjetorit kishte përfunduar me rezultat 0-3 për Blaugranët.
