Pas supergolit të Cristianos ndaj Juventusit, i gjithë stadiumi i klubit nga Torino u ngrit në këmbë për t’a duartrokitur Portugezin pas atij supergoli. Në vazhdim ju kemi sjellur 10 lojtarët që janë duartrokitur nga tifozët kundërshtarë:
Laurie Cunningham
Barcelona 0-2 Real Madrid (1979/80, La Liga): Lojtari Madrilen nuk shënoi asnjë nga golat e fitores por i shkaktoi shumë vuajtje mbrojtjes së Barcelonës, gjë që bëri që Camp Nou ta duartrokasë atë.
Maradona
Real Madrid 2-2 Barcelona (1982/93, Copa del Rey): Argjentinasi shënoi golin e dytë për Barcelonën, 0-2, por Madrilenët arritën ta barazojnë rezultatin në fund. Maradona morri duartrokitje nga Bernabeu pas golit të tij.
Ronaldo (fenomeni)
Man UTD 4-3 Real Madrid (2002/03, Champions League): Sulmuesi Madrilen luajti njërën nga ndeshjet më të mira me fanellën e klubit. Ai shënoi 3 gola për Madridin në Angli dhe Old Trafford e duartrokiti atë sic e meriton.
Ronaldinho
Real Madrid 0-3 Barcelona (2005/06, La Liga)
Barcelona pushtoi Bernabeun me një performancë madhështore nga Ronaldinho që shënoi dy gola dhe dhuroi spektakël me driblimet e tij. Bernabeu u ngrit në këmbë për t’a duartrokitur legjendarin Brazilian.
Del Piero
Real Madrid 0-2 Juventus (2008/09, Champions League)
Legjendari Italian u rikthye të luajë në Bernabeu dhe arriti që t’i fitojë zemrat e tifozëve Madrilen. Shënoi dy golat e fitores për ekipin e tij dhe nuk kishte se si mos të merrte një duartrokitje nga tifozët e Realit në Bernabeu.
Messi
Atletico 1-3 Barcelona (2008/09, Copa del Rey)
Në sezonin e parë të Guardiolas në Spanjë, Messi dhuroi magji në Vicente Calderon, në ndeshjen e Copas. Argjentinasi shënoi 3 gola, e vendosi eliminatoren dhe mori duartrokitje nga tifozët Madrilen të Atleticos.
Iniesta
Espanyol 1-5 Barcelona (2010/11, La Liga)
Espanyoli nuk mund të harronte dedikimin e Iniestas për kapitenin e ndjerë Jarque pas golit në finale të Kupës së Botës, dhe në momentin kur Iniesta po lëshonte fushën e Espanyolit ata u ngritën në këmbë për t’a duartrokitur.
Xavi
Athletic 2-5 Barcelona (2014/15, La Liga)
San Mames iu dorëzua Xavit pas shkatërrimit që i bëri Barcelona atyre në La Liga.
Totti
Real Madrid 2-0 Roma (2016/17, Champions League)
Bernabeu u ngrit në këmbë kur u inkuadrua në pjesën e dytë legjendari Francesco Totti. Tifozët Madrilen i dhuruan një duartrokitje në ndeshjen e fundit të legjendarit Italian në Champions League.
CRISTIANO
Juventus 0-3 Real Madrid (2017/18, Champions League)
Pjesa më e madhe e tifozëve të Juventusit u ngritën në këmbë për t’a duartrokitur sulmuesin Madrilen pasi supergolit të tij. Por edhe Portugezi iu drejtua atyre duke i falënderuar.
