Luka Modric është paraqitur në konferencë për shtp para ndeshjes së nesërme ndaj Juventusit në Torino. Mesfushori Kroat ishte lojtari që u zgjodh të jetë në konferencë për shtyp së bashku me trajnerin Zidane.
”Në këto lloj ndeshjesh, dy gjërat më të rëndësishme janë përvoja dhe detajet e vogla, të cilat mund të jenë kyçe. Do të përballen dy ekipe me shumë cilësi, është e rendësishme të ketë më pak gabime dhe të përfitojmë nga të gjitha mundësitë për të fituar ndeshjen.”
”Ndihem mirë. Nuk kam ndonjë shqetësim që e kam pasur në ndeshjet e fundit dhe për mua është më e rëndësishmja. Ndihem mirë dhe shpresoj të vazhdojë në të njejtën mënyrë si në ndeshjet e fundit. Le të shohim qasjen, trajneri do të na tregojë sot dhe nesër se si të përfitojmë nga ndeshja. Nuk mund të ju them më shumë.”
Benzema
”Benzeman e shoh shumë mirë dhe ka shënuar gola në ndeshje të rëndësishme. Ai dhuron gjithashtu shumë asistime dhe gjëra të tjera të rëndësishme. Jemi të lumtur me të dhe shpresojmë të vazhdojë kështu.”
Cristiano
”Cristiano ka shumë besim në vetvete. Ai është në një formë të jashtëzakonshme, ka shënuar shumë gola dhe për ne është e rëndësishme të jetë kështu. Me Cristianon kemi më shumë mundësi për të fituar ndeshjet dhe për të kaluar këtë eliminatore.”
Formacioni
”Le të shohim se cfarë vendos trajneri. Ajo që unë mund të ju them për Iscon është se ai është një lojtarë i madh, shumë i rëndësishëm për ekipin tonë dhe asgjë tjetër, por trajneri do të vendosë. Eshtë mirë që të tjerët flasin mirë për ty, për ekipin tonë. Kjo do të thotë se ata na respektojnë dhe ne i respektojmë gjithashtu. Juventusi është një ekip i mirë me lojtarë të mirë.”
Bale
”E shoh atë shumë mirë. Eshtë i lumtur, stërvitet mirë. Ky sezon për të ka qenë i vështirë për shkak të dëmtimeve që ka pasur, por në kohët e fundit ai ndihet fizikisht mirë. Ai ka pasur disa ndeshje të njëpasnjëshme në të cilat ka shënuar gola dhe cfarë mund të presim nga Bale e dimë të gjithë. Ka shumë cilësi dhe kontributi i tij është i rëndësishëm për ne që na ndihmonë shumë me shpejtësinë dhe vertikalitetin e tij. Eshtë e rëndësishme që ai të jetë fizikisht mirë dhe asgjë më shumë.”
Isco apo Bale në formacion?
”Ne kemi treguar gjatë gjithë këtij sezoni dhe këto vite që me një lojtarë dhe me tjetrin ndihemi mirë në fushë. Më e rëndësishme për mua është të vrapojmë së bashku në fushë, luftojmë së bashku dhe luan Bale apo Isco është e njejta për mua sepse të dytë kanë rëndësi shumë për ekipin dhe mund të kontribojnë shumë. Trajneri vendos gjithmonë. Të dy mund të japin shumë cilësi dhe shumë opsione në ekip.”
