Mesfushori i RB Leipzig e ka të qartë këtë dhe ka vendosur të kontaktojë me Real Madridin, sipas ‘ElNacional.CAT’. Mediumi katalanas thekson se Dani Olmo do të kishte zgjedhur klubin e bardhë pasi kishte marrë vendimin për t’u larguar nga Gjermania në fund të sezonit . Pavarësisht interesimit të vazhdueshëm të Barcelonës, futbollisti dëshiron të zbarkojë në kryeqytetin spanjoll.
Olmo ka disa oferta nga klube evropiane, si nga Premier League ashtu edhe nga Seria A, por ai ka një klub në mendje dhe ky është Real Madrid . Pavarësisht interesimit të mesfushorit për t’iu bashkuar madrileneve, nga Valdebebas nuk e kanë vlerësuar ardhjen e tij të mundshme.
Gjatë verës së kaluar, shumë media spanjolle konfirmuan ardhjen e afërt të futbollistit në Barcelonë, por më në fund nuk ndodhi. Barcelona ishte e gatshme që në këtë muaj të janarit të shkonte për futbollistin spanjoll, por Xavi Hernández zgjodhi nënshkrimin e Ferrán Torres.
