Vini është një lojtar shumë modest, i cili ka vuajtur shumë nga kritikat e marra në të kaluarën, por ende dëshiron të vazhdojë dhe të mësojë, diçka që trajneri italian Ancelotti e vlerëson shumë pozitivisht.
Sulmuesi brazilian po kalon sezonin e tij më të mirë me fanellën e Real Madridit, kryesisht për shkak të profesionalizmit dhe këmbënguljes së tij, por edhe besimit të Ancelottit.
Vinicius ka pasur 1616 minuta në fushë këtë sezon, në 20 ndeshje të luajtura, në të cilat ka shënuar 11 gola dhe ka dhënë 5 asistime, në të gjitha garat.
