Real Madrid vazhdon dominimin ndaj Barcelonës, duke fituar edhe sot, 2-1 në Camp Nou.
Një ndeshje perfekte e Los Blancos, që kontrolluan në mënyrë perfekte blaugranat, duke rrezikuar në shumë pak raste, aq sa rast ideal pati vetëm Dest në pjesën e parë, kur gjuajti mbi traversë brenda zone.
Episod i dyshimtë në zonën e Barcelonës, kur Vinicius u rrëzua, por për arbitrin nuk pati penallti, ndërsa pas rastit të humbur nga Dest, Alaba depërtoi nga e majta dhe me një predhë mposhti portierin Ter Stegen.
Ishte goditje vendimtare, sepse më pas Barcelona nuk pati forcë të shënonte, përballë një Reali të organizuar në mënyrë perfekte.
David Alaba Goal vs Barcelona.
— Zeeshan⁷ (@FutbolZEE) October 24, 2021
Karim Benzema pati disa raste të mira për të mbyllur ndeshjen, por u desh të vinte fundi i takimit, kur Asensio i sapofutur në kundërsulm u ndal nga Ter Stegen, por grushtimi i këtij të fundit u shfrytëzua nga Lucas Vazquez, që shtyu topin në rrjetë.
Asensio no, pero Lucas Vázquez sí. Real Madrid liquida en el Camp Nou. pic.twitter.com/fbznLqxbTk
— Fútbol Vertical (@futbol_vertical) October 24, 2021
Në minutën e 97-të Aguero shënoi një gol ngushëllimi për Barcelonën, por pas golit të tij ndeshja mbaroi. Reali është rithyer frikshëm në LaLiga, tashmë sërish në krye!
