Prej disa ditësh në Angli po flitet për rinovimin e Mohamed Salah dhe mediat britanike kanë publikuar lajmin e interesimit të Real Madrid.
Bëhet fjalë për një operacion mjaft të ndërlikuar, për shumë arsye, duke nisur nga ai financiar, edhe pse vlera e sulmuesit nuk diskutohet, aq sa edhe Klopp para pak ditësh deklaroi se Salah është lojtari më i mirë në botë në këtë moment.
Megjithatë, mediat në Spanjë raportojnë se interesimi i Realit është në nivel mjaft të ulët, për disa arsye.
Së pari, Salah ka një pagë të frikshme dhe Reali nuk dëshiron të prishë ekuilibrat brenda ekipit, duke e bërë egjiptianin lojtarin më të paguar në Madrid.
Nga ana tjetër, Salah mbush 30 vjeç vitin e ardhshëm dhe kjo është pengesë madhore për Realin, që nuk dëshiron të përsëritet historia e Hazard, i cili kushtoi një mal me para dhe tashmë është praktikisht i pashitshëm, edhe për shkak të moshës.
